Et handelt sech ëm e Gemengereglement iwwer d’Urbaniséierung, dat dem Accord vum Inneminister an dem Ëmweltminister ënnerläit. Et stellt d'Basisreegelung fir d’Organisatioun vum Gemengegebitt duer a deelt dësen a verschidden Zonen op, déi jee no Bestëmmung vun der Zon ënnerschiddlech Servituden enthalen. De Plan d’aménagement général (PAG) besteet aus engem geschriwwenen Deel an engem grafeschen Deel mat relativ kuerzen Dispositiounen. Aus dësem Grond muss en op Basis vun de Plans d’aménagement particulier (PAP) ëmgesat ginn, déi vill méi präzis Bestëmmungen enthalen, ënner anerem dimensional Virschrëften. Ze bemierken ass, datt de PAG vun der Gemeng Schëffleng deen Éischten am ganze Grand-Duché war, deen approuvéiert gouf — schonn am Joer 2012.

De PAP ass e Gemengereglement iwwer d’Urbaniséierung, dat och der Approbatioun vum Inneminister ënnerläit. Den Ëmweltminister huet keng Tutellefunktioun am Beräich vun de Plans d’aménagement particulier.

De Plan d’aménagement particulier präziséiert a setzt déi regulatoresch Bestëmmunge vum Plan d’aménagement général fir eng Zon oder en Deel vun enger Zon ëm.

E Projet gëtt als „particulier“ bezeechent net well en am Interesse vun enger eenzeler Persoun erstallt gouf, mee well en de Plan d’aménagement général fir bestëmmten Terraine präziséiert a komplettéiert. Sou hëlt de PAP, wann en dûment approuvéiert ass, Charakter vun engem Policereglement un – änlech wéi d’Bautereglementer vun de Gemengen – an ass domat strikt verbindlech.

Zwou Aarte vu Plans d’aménagement particulier stinn de Gemenge respektiv de Privatleit zur Verfügung, fir hiren Territoire ze organiséieren. Et handelt sech dobäi haaptsächlech ëm en Urbanismusdokument, dat d’konkret Entwécklung vun de Baulechkeeten an enger Lokalitéit reegelt.

Am Prinzip huet de PAP d’Form vun engem Plan d’aménagement particulier « nouveau quartier ». D’Gemenge kënnen awer an hirem Plan d’aménagement général Terrainen oder Ensembele vun Terrainen definéieren, déi eng urbaniséiert Zon duerstellen, fir déi e Plan d’aménagement particulier « quartier existant » auszeschaffen ass.

Dës Pläng hunn déi Besonneschkeet, datt se exklusiv vun de Gemengen ausgeschafft ginn. Wann d’Pläng ausgeschafft sinn, huet de Buergermeeschter just nach eng Baugeneemegung auszestellen. Si funktionéieren domat vergläichbar mat den ale „Bautereglementer“, déi op Basis vum Gesetz vum 12. Juni 1937 iwwer d’Stadentwécklung an aner grouss Agglomeratioune geschaf goufen.

Baugeneemegungen

Bau‑, Renovatiouns an Transformatiounsaarbechte mussen am Viraus vum Buergermeeschter autoriséiert ginn, deen – wann néideg – eng Baugeneemegung ausstelle kann. Et ass verbueden, ouni dës Autorisatioun d’Aarbechten unzefänken. All Projet muss dem Plan d’aménagement général entspriechen, souwéi dem Bautereglement oder – wann dat zoutrefft – den differenzielle Reglementer.

Regionalen a Grenziwwerschreidend Entwécklung

D’Entwécklung vun enger Gemeng kann haut net méi isoléiert stattfannen, mee erfuerdert eng enk Zesummenaarbecht mat de Nopeschgemengen an allen Acteuren aus der Regioun. Schëffleng ass dofir an enger Rei vu Syndikater an Organisatioune vertrueden:

• SYCOSAL – Gemengesyndikat fir d’ëffentlech Hygiène

• TICE – Interkommunalen Transport am Kanton Esch

• SIDOR – Interkommunale Syndikat fir d’Offallgestioun am Süden an am Zentrum

• SIVEC – Interkommunale Syndikat mat ekologescher Ausriichtung

• SICONA – Interkommunale Syndikat vum Weste fir d’Conservatioun vun der Natur

• MINETT‑KOMPOST – Interkommunale Syndikat – regionale Kompostéierungszentrum fir organesch Offäll

• SES – Syndicat des Eaux du Sud (Waassersyndikat vum Süden)

• SUDGAZ – Fournisseur a Verdeelung vun Naturgas

• PROSUD – Gemengesyndikat fir d’Promotioun an d’Entwécklung vun der Südregioun

• GECT – Europäesche Gruppement fir territorial Zesummenaarbecht

• Kontrakt vun der Uelzecht – Flosskontrakt fir d’Uelzecht

• Klimapakt